لە ناوچەی (ئێرجیشی) سەر بە شاری وان لە باكووری كوردستان، باڵی ئافرەتانی سەر بە ئاكەپە کە 18 کەسن، بەكۆمەڵ دەستیان وازیان لە ئاكەپە هێناوەوە و دەڵێن ئیتر ئێمە ئەندامی ئەو پارتە نین.

ئاژانسەكانی هەواڵی توركیا بڵایان كردەوە، لە ناوچەی (ئێرجیشی) سەر بە شاری وان، باڵی ئافرەتانی سەر بە ئاكەپە كە ١٨ ئافرەتن، بە كۆمەڵ دەستیان لەكار كێشایەوە و دەڵێن ئیتر ئێمە سەر ئاكەپە نین.

هۆكاری دەست لەكاركێشانەوەكەیان بۆ سەرۆكی لقی ئاكەپە گەڕاندووەتەوە لە وان و دەڵێن بە شێوەیەكی زۆر سووك مامەڵەیان لەگەڵدا دەكات.

بە گوێرەی زانیارییەكان، ئەو ئافرەتانە لە نامەی دەست لە كاركێشانەوەكەیاندا گوتوویانە، نەدیم ساغڵەم سەرۆكی لقی ئاكەپە لە وان، بە چاوێكی سووك و بە شێوەیەكی زۆر خراپ مامەڵە لەگەڵ ئافرەتانی ناو ئاكەپە دەكات، بۆیە ئەوانیش بە هۆی رەفتارەكانی ئەو سەرۆك لقە واز لە پارتەكەیان دەهێنن.











باسنيوز