وەزارەتی ناوخۆی حكوومەتی هەرێمی كوردستان بەیاننامەی ژمارە ٤٤ی تایبەت بە ڕێوشوێنەكانی خۆپارێزی لە پەتای كۆرۆنا دەركرد.

بەپێی بەیاننامەكە، بە ڕەچاوكردنی ئاسانكاریی زیاتر بۆ ئەو هاووڵاتییانەی كاری رۆژانە و پێویستیان هەیە، ڕاگرتنی هاتوچۆی ئۆتۆمبێل لە نێوان پارێزگاكانی هەولێر و سلێمانی و دهۆك و هەڵەبجە و ئیدارە سەربەخۆكانی راپەڕین و گەرمیان بەردەوام دەبێت.

هاوكات باس لەوە كراوە كە ڕێگەپێدان لە نێوان پارێزگا و ئیدارە سەربەخۆكان بەپێی سیستەمی ڕێگەپێدانی ئەلیكترۆنی دەبێت.

هەر لە بەیاننامەكەدا چەندان بڕیاری دیكە دراون پەیوەست بە هاتوچۆی پەرلەمانتاران و دیپلۆماتكاران و ئاژانسە نێودەوڵەتییەكان، هەروەها ڕێگەپێدانی كۆمپانیا جۆراوجۆرەكان.











باسنيوز