عەباس عەبدولعەزیز، جێگری بەڕێوەبەری گشتیی تەندروستی گەرمیان، رايگەیاند: "لە ماوەی رابردوودا بەهۆی كاریگەریی رێكارەكانی پەتای كۆرۆنا و راگرتنی دەوام و چڕكردنەوەی هەوڵەكان بۆ بەرەنگاربوونەوەی كۆرۆنا، بەشی دەرمانخانەی درێژخایەن لە شارو شارۆچكەكانی سنووری ئیدارەی گەرمیان راگیرابوون، بەڵام بە گرتنەبەری رێكارەكانی خۆپارێزیی لە ئەمڕۆ سێشەممە 21/7/2020ەوە دەست بەكار بوونەتەوە."

گوتیشی: "ئەو نەخۆشانەی دەفتەری نەخۆشیی درێژخایەنیان هەیە، لە رۆژانی یەكشەممە تا پێنجشەمە لە كاتی دەوامی بەیانیاندا دەتوانن سەردانی دەرمانخانەی درێژخایەن بكەن بۆ وەرگرتنی بڕی دەرمانی دیاریكراو بۆیان."

ئەوەشی خستە ڕوو: "داوا لەو نەخۆشانەش دەكەین كە بە تەواوی رێكارەكانی خۆپارێزیی بگرنەبەر و دەمامك و دەستكێش بەكار بهێنن، هاوکات قەرەباڵغی دروست نەكەن و ماوەی نێوانیشیان بپارێزن و ، لەپێناو سەلامەتیی هەموو لایەك، لە یەكتری نزیك نەبنەوە."












باسنيوز