بەرپرسێ‌ راگەهاندنێ‌ ل رێڤەبەریا گشتی یا ساخلەمیا پارێزگەها دهۆكێ‌ دیاركركو هەتا ئەڤرۆ 20/7/2020ێ‌ ل دهۆكێ‌ 75 تووشبوویێن كۆرۆنایێ‌ دناڤ نەخۆشخانێ‌ دا ماینە و 266 تووشبووی ژی یێن هاتینە چارەسەركرن.

حەمزە رەزیكی، بەرپرسێ‌ راگەهاندنێ‌ ل رێڤەبەریا گشتی یا ساخلەمیا پارێزگەها دهۆكێ‌ دیار كر كو هەتا نۆكە 341 تووشبوویێن كۆرۆنایێ‌ ل دهۆكێ‌ یێن هاتینە تۆماركرن. ژوانا ژی 266 تووشبوو یێن هاتینە چارەسەركرن. نۆكە 75 تووشبوویێن كۆرۆنایێ‌ ناڤ دوو نەخۆشخانەیێن دهۆكێ‌ دا ماینە چارەسەری وەردگرن. دوو تاقیگەه رۆژانە پشكنینێن كۆرۆنایێ‌ دهێنە كرن ئەوژی نۆكە ل تاقیگەها ساخلەمیا گشتی یا دهۆكێ‌ و تاقیگەه ساخلەمیا ئاكرێ‌ ڤە پشكنینێن كۆرۆنایێ‌ دهێنە كرن. ل ڤێ‌ دووماهیێ‌ ساخلەمیا دهۆكێ‌ هژمارا ئەنجامدانا پشكنینان زێدەكریە بتنێ‌ هەتا ئێڤاریا دوهێ‌ 655پشكنینێن هاتینە كرن".

رەزیكی، ئاشكەرا كركو هەر ژدەستپێكی هەتا نۆكە ل دهۆكێ‌ 41 هزار 170 پشكنینێن كۆرۆنایێ‌ یێن هاتینە كرن هەموو پشكنینێن بێ بەرامبەر دهێنە كرن".

ل دهۆكێ‌ 21 جهێن كەرەنتینكرنێ‌ هەنە هەر ژ دەستپیكا پەیدابوونا كۆرۆنایی هەتا ئەڤرۆ 20/7/2020ێ‌ ل دهۆكێ‌ 10 هزار و 615 كەس یێن هاتینە كەرەنتیكرن. ژوانا ژی 9 هزار و 194 كەس یێن ژناڤ جهێن كەرەنتینكرنا چووینە مالێن خوە. نۆكە ل دهۆكێ‌ هزار و 421 كەس ناڤ جهێن كەرەنتینكرنێ‌ دا ماینە.












باسنیوز