وه‌زاره‌تى كاره‌باى حكوومه‌تى هه‌رێمى كوردستان له‌ ڕاگه‌یاندراوێكدا ئاماژه‌ به‌وه‌ ده‌دات، له‌ژێر چاودێریی سه‌رۆكى حكوومه‌تى هه‌رێمى كوردستان، به‌ردی بناغه‌ی پرۆژه‌ی بەستنەوەی وێستگەی كەسنەزان بە هێڵی 132 كەی ڤی دادەنرێت.

ئه‌مڕۆ یه‌كشه‌ممه‌ 19/7/2020، وه‌زاره‌تى كاره‌با ڕاگه‌یاندراوێكى له‌ په‌یجى فه‌رمیی خۆى، له‌ تۆڕى كۆمه‌ڵایه‌تیی (فه‌یسبووك) بڵاو كرده‌وه‌، تێیدا هاتووه‌: "لەژێر چاودێریی مەسرور بارزانی، سەرۆكی حكوومەتی هەرێمی كوردستان و بەئامادەبوونی ئەندازیار كەمال محه‌مه‌د ساڵح، وەزیری كارەبا و د. فرسەت سۆفی، پارێزگاری هەولێر، كاتژمێر 10ى سه‌رله‌به‌یانیی سبه‌ى دووشه‌ممه‌ 20/7/2020، لە مەراسیمێكدا له‌ هه‌ولێر، بەردی بناغەی پرۆژەی بەستنەوەی وێستگەی كەسنەزان بە هێڵی 132 كەی ڤی دادەنرێت".

باس له‌وه‌ش كراوه‌: "ئه‌م پرۆژه‌یه‌ بە سەرپەرشتیی وەزارەتی كارەبا و له‌لایه‌ن كۆمپانیای دڵسۆز لە ماوەی 60 ڕۆژدا ئه‌نجام دەدرێت و ڕۆڵی دەبێت لە كارپێكردنی وێستگەی 132 كەی ڤیی كەسنەزان و كەمكردنەوەی لۆد و ڕێكخستنی كارەبا لە تەواوی ناوچەی ڕۆژهەڵاتی هەولێر".









باسنيوز