رێڤه‌به‌ریا ساخله‌میا قه‌زا ئاكرێ بۆ خه‌لكێ ده‌ڤه‌رێ لدور ڤه‌گۆهاستنا به‌شه‌كێ خزمه‌تگۆزاریان ئاگه‌هداریه‌كێ به‌لاڤ دكه‌ت.

سه‌باح زوهێر، په‌یڤدارێ ساخله‌میا قه‌زا ئاكرێ د داخویانیه‌كێ دا دیاركر: "ئه‌م وه‌كه‌ ساخله‌میا قه‌زا ئاكرێ هه‌مى خه‌لكێ ئه‌ڤێ قه‌زایێ و ده‌وروبه‌ران دكه‌ین ئه‌وێن رۆژانه‌ ب مه‌ره‌ما وه‌رگرتنا چاره‌سه‌ریان قه‌ستا ساخله‌میا مه‌ دكه‌ن ل به‌شێ نه‌خۆشیێن ئافره‌ت و زارۆكبوونێ كۆ هه‌ر ژ سوبه‌هى رۆژا ئێك شه‌مبى رێكه‌فتى 19/7/2020 دێ ل نه‌خۆشخانا هه‌وار هاتنێ بۆ نه‌خۆشخانا گۆلان هێته‌ ڤه‌گۆهاستن و ئه‌م دخازین خه‌لك ل سه‌ر ڤێ چه‌ندێ یێ ئاگه‌هدار بیت".

په‌یڤدارێ ساخله‌میا قه‌زا ئاكرێ ئه‌و چه‌نده‌ ژى گۆت: "ژ به‌ر كۆ ژلایێ رێڤه‌به‌ریا ساخله‌میا قه‌زا ئاكرێ ڤه‌، ده‌ست ب هنده‌ك كاران هاتیه‌ كرن ل نه‌خۆشخانا كه‌ڤن كۆ به‌شێ نه‌خۆشێن ئافره‌ت و زارۆكبونێ پێشتر ل ناڤا نه‌خۆشخانا ته‌نگاڤیان بویه‌ و گۆتژى: ژ سوبه‌هى رۆژا ئێك شه‌مبى دێ ئه‌و به‌شه‌ ژ نه‌خۆشخانا ته‌نگاڤیا بۆ نه‌خۆشخانا گۆلان هێته‌ ڤه‌گۆهاستن تا كۆ ئه‌و كاره‌ كۆ كارێ نۆژه‌نكرنێ یه‌ دوماهى دهیچت دێ ل نه‌خۆشخانا گۆلان هه‌مو جوره‌ خزمه‌تگۆزاریه‌ك وچارسه‌ریه‌ك بۆ ئافره‌تان هێته‌ پێشكێشكرن له‌ورا دخازین خه‌لكێ ئاكرێ و ده‌ۆوروبه‌ران ل سه‌ر ئه‌ڤێ چه‌ندێ یێ ئاگه‌هدار بیت".













باسنيوز