بەهۆی كێشەیەكی كۆمەڵایەتی كوڕە گەنجێكی دانیشتووی ناحیەی خەلیفان، لە هاوینەهەواری بێخاڵ كوژراو، چەند كەسێكیش دەستگیر كران.

لەمبارەیەوە موقەدەم شەماڵ دێواری، گوتەبێژی بەڕێوەبەرایەتی پۆلیسی سۆران، رايگەیاند: "دوای نیوەڕۆی ئەمڕۆ شەممە 18/7/2020، بەهۆی كێشەیەكی كۆمەڵایەتییەوە كوڕە گەنجێكی دانیشتووی ناحیەی خەلیفان سەربە قەزای سۆران، بەناوی (ئ-غ) لە سەیرانگەی بێخاڵ كوژرا ‌و تەرمەكەی رەوانەی پزیشكی دادی كرا".

گوتەبێژی بەڕێوەبەرایەتی پۆلیسی سۆران، گوتیشی: "دوای رووداوەكە دەست بەجێ‌ لەلایەن هێزەكانی ئاسایش سێ‌ تۆمەتبار دەستگیركران و لێكۆڵینەوەش لە رووداوەکە بەردەوامە و لە زانیاری زیاتر ئاگادارتان دەكەینەوە".














باسنيوز