ل دهۆكێ كارهبێ گهنجهك كۆشت
فهریق ئهحمهد مستهفا، رێڤهبهرێ بنگههێ ساخلهمیا كۆمهلگهها باگێرا دا دیاركرن: "نیڤرۆ یا ئهڤرۆ رۆژا شهمبى رێكهفتى 18/7/2020، گهنجهكێ خهلكێ كۆمهلگهها باگێرا ب ناڤێ (محهمهد سوبحى هنێشى) كۆ دژیێ دهوروبهرێن (25) سالیێ دا بوو، ب كارەبێ گیانێ خۆ ژدەست دا".
رێڤهبهرێ بنگههێ ساخلهمیا كۆمهلگهها باگێرا ئاماژه ب وێ چهندێ ژى دا: "ئهو گهنجه ل دهمێ كاركرنێ دا تووشى ئهڤێ رویدانێ بوویه كۆ ئهڤرۆ دگهل چهند كهسۆ كارێن نێزیكى خۆ قهستا كارێ خۆ یێ رۆژانه كریه كۆ كارێ گرێدانا بانێ ئاڤاهیان وهكه (دارتاش) كار كریه و ل كۆمهلگهها كۆرا سهر ب ناحیا زاویته ڤه تووشى ئهڤێ رویدانێ بوویه".
ناڤبرى ئاماژه ب وێ چهندێ ژى دا: "ل دهمێ كاركرنێ دا ل هنداڤى ئهو ئاڤاهیێ كارێ وان ستوونێن كارهبێ ههبوونه و ژ نشكێ ڤه ئاسنهكێ كارێ وان دگههیته وایرێن كارهبێ و كارهب دگریت و گیانێ خۆ ژ دهست ددهت و گۆتژى: تهرمێ وى بۆ نۆدژاریا داد یا دهۆكێ هاتبوو رهوانهكرن و دویڤ دا ل گۆرستانا كۆمهلگهها باگێرا تهرمێ وى هاتیه ڤهشارتن".
باسنيوز
