گوتەبێژی بەڕێوبەرایەتیی گشتی تەندروستیی هەولێر ڕای گەیاند ئاماری تووشبوان لە نەخۆشخانەكانی هەولێر ڕوو لە هەڵكشان و ئەمڕۆ دوو کەسی دیکە لە تووشبوان گیانیان لەدەست داوە و 35 كەسیش باری تەندروستییان ناجێگیرە.

لەمبارەوە د. بژار مووسا، گوتەبێژی بەڕێوبەرایەتیی گشتیی تەندروستیی هەولێر ڕايگەیاند: "ئاماری تووشبوانی ڤایرۆسی كۆرۆنا لە شاری هەولێر ڕوو لە هەڵكشانە و ڕۆژانە لە گشت شار و شارۆچەكان هاووڵاتیان تووشی ڤایرۆسی كۆرونا دەبن".

گوتیشی: "هەر ئەمڕۆ لە شاری هەولێر دوو هاووڵاتی كە هەڵگری کۆرۆنا بوون، گیانیان لە دەست داوە کە یەكیان لە نەخۆشخانەی ڕزگاری و ئەوەی تریشیان لە نەخۆشخانەی كۆرماریی شاری هەولێر بووە".

گوتەبێژی بەڕێوبەرایەتیی گشتی تەندروستیی هەولێر ڕاشی گەیاند: "دۆخەكە مەترسیدارە و ئێستا 35 كەس لە نەخۆشخانەكانی شاری هەولێر باری تەندروستییان ناجێگیرە و لەژێر چاودێریی چڕ دان و پێویستە هاووڵاتیان پابەندی ڕێنماییە تەندروستییەكان بن و خۆیان بپارێزن".













باسنيوز