شێخان.. یاسایا تاپۆكرنا خانیێن زێدەگاڤی كەفتە وارێ بجه ئینانێ
سەردار یەحیا، قایمقامێ قەزا شێخان دیار كر كو: "هەر خانیەك ب زێدەگاڤی هاتبە چێكرن ل قەزا شێخان بەری 13/3/2018 بیت وەلاتی ناڤ وی خانیێ زێدەگاڤی یێ ئاكنجیی بیت ئەو خانی دێ ل سەر ناڤێ وی وەلاتی هێتە تاپۆكرن ب كوژمەكێ پارەی یێ ژلایێ پەرلەمانێ كوردستانێ ڤە هاتیە دیاركرن. بۆ سەنتەرێ ناحیان 5 هزار هەتا 8 هزار دینارن رۆبەرێ عەردێ پێدڤیی یە 300 م زێدەتر نەبن هەروەسا ژی دناڤ سەنتەرێ قەزایێ دا ژی 10 هزار هەتا 15 هزاران ئەوژی پێدڤیە رۆبەرێ عەردێ 200م زێدەتر نەبن".
خۆیا ژی كر كو: "هەر ئەڤرۆ وەلاتی دشێن سەرەدانا یەكەیێن ئێداری بكەن بۆ تۆماركرن وتاپۆكرنا خانیێن زێدەگاڤی. ئەڤ یاسایا تاپۆكرنا خانیان دبەرژوەندیا مالباتێن شەهید وئەنفالكریان و پەكەفتیێن شەری دایە".
باسنيوز
