سێ لێژنە کە دەستەی سەرۆکایەتیی پەرلەمانی کوردستان بۆ لێکۆڵینەوە لە دۆخی ناوچە سنوورییەکان پێکی ھێنابوون، ئەمڕۆ چوارشەممە کۆ بوونەوە هەتا پێکەوە راپۆرتێکی ھاوبەش لەبارەی دۆخی ناوچە سنورییەکان بخەنە بخەنە ڕوو.

لە کاتژمیر 10ی بەیانیی ئەمڕۆ چوارشەممە 2020.7.15ەوە ھەر سێ لیژنەکە لە کۆ بوونەوە بۆ ئامادەکردنی راپۆرتی ھاوبەش لەبارەی دۆخی ناوچە سنوورییەکان و ئەو سێ لیژنەیە بۆ لێکۆڵینەوە لە ناوچە سنوورییەکانی دهۆک، هەولێر و سلێمانی لە ئەندامانی سێ لیژنەی "پێشمەرگە، پەیوەندییەکانی دەرەوە و ڕەوەندی کوردستانی و لیژنەی ناوخۆ و ئاسایش و ئەنجوومنە خۆجێیەکان" پێکهاتوون.

گوتیشی: "ئەو سێ لیژنەیە ئەمڕۆ چوارشەممە راپۆرتی ھاوبەش ئامادە دەکەن و دواتر بە دەنگدانی لیژنەکان راپۆرتەکە یەکلایی دەکەنەوە و دەیدەنە دەستەی سەرۆکایەتیی پەرلەمانی کوردستان".

ھەر بەپێی زانیارییەکان دوای رادەستکردنی راپۆرتی ھاوبەش، دەستەی سەرۆکایەتی پەرلەمان بڕیار لەبارەی دۆخی ناوچە سنوورییەکان دەدات.

لە راپۆرتەدا ھۆکاری ئاڵۆزییەکان و چارەسەر و داوای قەرەبووش خراوەتە روو.











باسنیوز