له ههولێر تا ئێستا كارهباى 482 شوێن بههۆى سهرپێچییهوه بڕاوه
حەکیم ئیسماعیل، بەڕێوەبەری بڕینی سەرپێچییەکانی سەر تۆڕی کارەبای نیشتمانی لە ھەولێر ڕاى گهیاند: "دوای بڵاوبوونەوەی پهتاى کۆرۆنا کارەکانمان ڕاگرت، بەڵام ئێستا دەستمان پێ کردووەتەوە".
گوتیشی: "لە سنووری ھەولێر لە ڕێگەی دوو تیمەوە بڕینی سەرپێچییەکان بەردەوامە، کە یەکیان لە ناو سەنتەری شاری ھەولێرە و تیمەکەی دیکەش لە سنووری قەزای دەشتی ھەولێرە".
لەبارەی ژمارەی ئەو شوێنانەی گەڕاون دەرکەوتووە سەرپێچییان کردووە، گوتی: "ههزار و 250 شوێن گەڕاوین، لەو ژمارەیە 482 شوێن سەرپێچییان کردووەتە سەر تۆڕی کارەبای نیشتمانی کارەباکەیان بڕاوە و سزای ماددیش دراون".
باسنیوز
