بە ئامادەبوونی سەرۆکی حکوومەتی هەرێمی کوردستان، وێستگەیەکی کارەبا لە شارۆچکەی خەبات لە سنووری پارێزگای هەولێر، بەگەڕ دەخرێت.

بڕیارە کاتژمێر 11ـی پێش نیوەڕۆی ئەمڕۆ سێشەممە 14-7-2020، لە رێوڕەسمێکدا بە ئامادەبوونی مەسرور بارزانی، سەرۆکی حکوومەتی هەرێمی کوردستان و قوباد تاڵەبانی، جێگری سەرۆکی حکوومەت، وێستگەکە بەگەڕ بخرێت.

ئەو وێستگە نوێیەی کارەبا لە شارۆچکەی خەبات، وێستگەیەکی بەرهەمهێنانی کارەبای هەڵمییە.

پێشتریش لە سەرەتای ئەم هەفتەیە (رۆژی شەممە 11-7-2020)، مەسرور بارزانی بەردی بناغەی شەقامی 100 مەتریی سلێمانی دانا، کە 146 کیلۆمەتر درێژە و بە تەواوبوونی، قەرەباڵغی و رووداوەکانی هاتوچۆ لە سلێمانی کەم دەکاتەوە.









باسنيوز