ئەمڕۆ ئافرەتێکی لە سنووری قەزای ڕانیە دوای مانەوەی بۆ چەند ڕۆژێک لە نەخۆشخانە، بەهۆی پەتای کۆرۆناوە گیانی لەدەست دا.

تەھا محەمەد، گوتەبێژی تەندروستی ڕاپەڕین ڕایگەیاند: "ئەمڕۆ دووشەممە ۱۳ـ٧ـ٢٠٢٠ ئافرەتێکی تەمەن 67 ساڵان و دانیشتووی شاری ڕانیە، دوای مانەوەی بۆ ماوەی چەند ڕۆژێک لە سەنتەر و نەخۆشخانەکانی تایبەت بە کۆرۆنا، بەهۆی پەتای کۆرۆناوە گیانی لەدەست دا".

گوتیشی: "ئافرەتەکە نەخۆشیی درێژخایەنی ھەبووە و بە کاریگەیری پەتای کۆرۆنا گیانی لەدەست داوە".

باسی لەوەش کرد: "لە سەرەتای تۆمارکردنی ڕێژەی تووشبوون بە کۆرۆنا ئەوە ١٣هەمین ھاووڵاتییە بە پەتای کرۆنا لە سنووری ئیدارەی ڕاپەڕین گیان لەدەست بدات".













باسنیو