ئەندامێکی پەرلەمانی کوردستان لە فراکسیۆنی پارتی رای گەیاند پێشنیازە یاسای پاراستنی شوێنەوار و کەلەپوورەکانی ھەرێمی کوردستان تەواو بووە بە واژۆی٤٠ پەرلەمانتار درایە دەستەی سەرۆکایەتیی پەرلەمانی کوردستان.

زێدان برادۆستی، ئەندامی پەرلەمانی کوردستان کە خاوەنی پێشنیازە یاساکەیە رایگەیاند: "بۆ یەکەمجار پیشنیازی یاسایەک بۆ پاراستنی شوێنەوار و کەلەپوور، دەدرێتە پەرلەمانی کوردستان".

ئەو پەلەمانتارە گوتیشی: "ئەو پێشنیازە یاسایە لە ٣١ ماددە پێکھاتوە کە بە ھەماھەنگی لە نێوان مامۆستایان و پسپۆڕانی بواری شوێنەوار و بەڕێوەبەرایەتیی شوێنەواری ھەرێمی کوردستان و ھەولێر ئامادە کراوە".

لەبارەی کاتی دەنگدان بە پێشنیازە یاساکە زێدان برادۆستی، ڕای گەیاند بە ئیمزای٤٠ پەرلەمانتار پێشیازەکە یاساکە ئامادە کراوە و لەم نزیکانە دەخرێتە بەرنامەی کاری پەرلەمانەوە.













باسنیوز