هاونیشتمانییانی دهۆک روویان لە فرۆشتنی زێڕەکانیان کردووە، سەندیکای زێڕەنگرانیش دەڵێت، لە ماوەی سێ مانگی رابردوودا 450 کیلۆ زێڕ لە بازاڕەکانی دهۆک فرۆشراوە.

شێخ عەبدولسەلام، سەرۆکی سەندیکای زێڕنگران - لقی دهۆک راگەیاند، کاتی داعش خەڵک زۆر زێڕی دەفرۆشت، دوای دوو ساڵ لە کۆتاییهاتنی داعش خەڵک کەمتر زێڕەکانیان دەفرۆشت، بەڵام ئێستا دوو بۆ سێ مانگە خەڵک زێڕی خۆیان زۆر دەفرۆشن و لە ماوەی مانگێکیشدا 150 کیلۆگرام زێڕ لە بازاڕدا فرۆشراوە.

بەپێی ئامارەکانی سەندیکای زێڕنگرانی کوردستان مانگانە دوو هەزار و 500 کیلۆگرام زێڕ بۆ تورکیا و ئیمارات دەنێردرێت و لەبەرامبەردا 80 بۆ 12 کیلۆ هاوردە دەکرێت.

لە هەرێمی کوردستان نزیکەی هەزار و 600 پێشانگەی زێڕ و 46 کۆمپانیای هەناردە و هاوردەکردنی زێڕ و ئەڵماس لە هەرێمی کوردستان هەن.








رووداو