بەهۆی بڵاوبوونەوەی ڤایرۆسی كۆرونا، بڕیارە لە دوو ڕۆژی داهاتوودا لە شاری سۆران نەخۆشخانەیەكی تایبەت بە ڤایرۆسی كۆرۆنا بكرێتەوە.

لەمبارەوە كرمانج عزەت قایمقامی سۆران، ڕايگەیاند: "بەهۆی بڵاوبوونەوەی ڤایرۆسی كۆرۆنا لە گشت شار و شارۆچكەكان، بۆ كەمكردنەوەی بارگرانی لەسەر نەخۆشخانەكانی شاری هەولێر بە پێویستمان زانی نەخۆشخانەیەكی تایبەت بە كۆرونا لە شاری سۆران بكەینەوە".

گوتیشی: "لەڕووی دابینكردنی پێداویستییە پزیشكیەكانەوە ئامادەكاری كراوە بۆ ئەوەی چیتر تووشبوانی ڤایرۆسی كۆرونا ڕەوانەی هەولێر نەكرێن و لە شاری سۆران چاودێرییان بكرێت".

ڕاشیگەیاند: ڤایرۆسی كۆرونا بە شێوەیەكی بەرچاو بڵاو بووەتەوە و ڕۆژانە ژمارەی تووشبوان لە هەڵكشان دایە و هەر ئەمڕۆش لە شاری سۆران سێ كەسی دیکە تووشی ڤایرۆسی كۆرونا بوون".












باسنيوز