سه‌رۆك مه‌سعود بارزانى له‌ پرسه‌نامه‌یه‌كدا، سه‌ره‌خۆشى له‌ د. كنیاز ئیبراهیم میرزایۆڤ، سەرۆكی فیدراسیۆنی كوردانی وڵاتانی سۆڤیەتی پێشوو ده‌كات.

ئه‌مڕۆ یه‌كشه‌ممه‌ 12/7/2020، سه‌رۆك بارزانى پرسه‌نامه‌یه‌كى بڵاو كرده‌وه‌ و ده‌ڵێت: "برای بەڕێز د. كنیاز ئیبراهیم میرزایۆڤ، سەرۆكی فیدراسیۆنی كوردانی وڵاتانی سۆڤیەتی پێشوو، بە داخێكی زۆرەوە هەواڵی كۆچی دوایی براتان ئەحمەد ئیبراهیم میرزایۆڤمان پێ گەیشت، پرسە و سەرەخۆشیی خۆمان ئاراستەی ئێوە و خانەوادەی بەڕێزتان و تەواوی كەسوكار و ئاشنایانتان دەكەم و خۆم بە هاوبەشی خەمتان دەزانم".

سه‌رۆك بارزانى هه‌روه‌ها ئه‌وه‌شى خستووه‌ته‌ ڕوو: "لە خودای مەزن داواكارم خوالێخۆشبوو بە بەهەشتی بەرین شاد بكات و سەبر و ئارامی بە هەموو لایەك ببەخشێت".