گوتەبێژی فەرمانگەی تەندروستیی كەركووك ڕای گەیاند بەڕێوەبەری نەخۆشخانەی نەسر لە شارەکە کە دوێنێ تووشی ڕووداوی سووتان ببوو، بەو هۆیەوە ئەمڕۆ گیانی لە دەست دا.

سامان یابە، گوتەبێژی فەرمانگەی تەندروستیی كەركووك، لەمبارەوە ڕايگەیاند: "دوێنێ هەینی 10/7/2020، د. حوسێن ئیبراهیم، بەڕێوەبەری نەخۆشخانەی "نەسر"، لە ماڵەكەی خۆی لە گەڕەكی "واستی" شاری كەركووك، لە كاتی تێكردنی بەنزین بۆ ناو مۆلیدەی ماڵەكەی، تووشی سووتان بوو و 80٪ی جەستەی سووتابوو.

گوتیشی: "ئەمڕۆ شەممە 11/7/2020، بەهۆی زۆریی رێژەی سووتانەكەیەوە، لە نەخۆشخانە گیانی لەدەست دا".












باسنيوز