بەڕێوەبەری گشتیی سایلۆی سلێمانی ڕای گەیاند لەڕێگەی دروستکردنی چەند سایلۆیەکەوە بەتەواوەتی گرفتی وەرگرتن و ھەڵگرتنی گەنمی جووتیاران چارەسەر دەکرێت و حکوومەت بڕیاری داوە سایلۆیەکیش لە پارێزگای هەڵەبجە دروست بکات.

محەمەد حوسێن، بەڕێوەبەی گشتیی سایلۆی سلێمانی ڕایگەیاند: "ئێستا ھەریەکە لە سایلۆی رانیە و پیرەمەگرون و چەمچمەماڵ و سەیدسادساق تەواو بوون و دەستیان کردووە بە وەرگرتنی گەنمی جووتیتارانی سنوورەکانیان و٨٠% ی کارکردن لە سایلۆی کەلاریش تەواو بووە و بڕیارە بۆ ساڵی داھاتوو گەنمی جووتیارانی سنووری گەرمیان وەربگرێت".

گوتیشی: "حکوومەتی ھەرێمی کوردستان بڕیاری داوە سایلۆیەکیش لە سنووری پارێزگای ھەڵەبجە دروست بکات و دوای کاری پێویست و دابینکردنی بودجە، دەکەوێتە بواری جێبەجێکردنەوە".

محەمەد حوسێن، ڕوونیشی کردەوە بە جێبەجێکردنی ئەو سایلۆیانە، لە سنووری پارێزگای ھەڵبجەو سلێمانی بەتەواوەتی گرفتی وەرگرتن و ھەڵگرتنی گەنمی جووتیاران چارەسەر دەبێت".













باسنیوز