پاش تێپەڕبوونی چوار ڕۆژ بەسەر خنکانی یاریزانێکی تیپی ئەحمەد قادر لە ڕووباری سیروان، لە شارەدێی باوەنووری سەر بە قەزای کەلار، تا ئێستا تەرمەکەی نەدۆزراوەتەوە و گەڕان بەدوای تەرمەکەی بەردەوامە.

ئیبراهیم محەمەد، بەڕێوەبەری بنکەی بەرگریی شارستانیی گەرمیان، ڕایگەیاند: "دوای تێپەڕبوونی چوار ڕۆژ بەسەر خنکانی گەنجێکی دانیشتووی شارەدێی باوەنووری سەر بە قەزای کەلار، تا ئێستا لەلایەن تیمەکانی مەلەوانیی بەڕێوەبەرایەتیی بەرگریی شارستانیی گەرمیان و بنکەی بەرگریی شارستانیی کەلار گەڕان بەدوای تەرمەکەی بەردەوامە".

گوتیشی: "بەهۆی خوڕی و زۆریی ئاو ڕووبارەکەوە تا ئێستا نەتوانراوە تەرمەکەی بدۆزرێتەوە".

ئێوارەی ٥/٧/٢٠٢٠ گەنجێکی دانیشتووی شارەدێی باوەنوور ل ەسنووری قەزای کەلار بەناوی (کەیوان عەلی) یاریزانی تیپی ئەحمەد قادر لە کاتی مەلەکردن لە ڕووباری سیرواندا خنکا.













باسنیوز