پۆلیسی هەولێر دوو تۆمەتباری بە تۆمەتی کوشتنی هاووڵاتییەک دەستگیر کرد
بەپێی راگەیاندراوێکی پۆلیسی هەولێر کە تێیدا هاتووە: "هێزەكانی پۆلیسی پارێزگای هەولێر، دوای ئەوەی لە بوونی حاڵەتێكی دەمەقاڵی و شەڕەتەقە و كوژرانی هاووڵاتییەك لە شارۆچكەی بنەسڵاوە ئاگادار كرانەوە، دەستبەجێ تیمێكی لێكۆڵینەوەیان پێكهێنا و پاش نیو كاتژمێر دوو تۆمەتباریان بە ناوەكانی (ح.ع.ئـ) و (م.س.ئـ) دەستگیر كرد. تۆمەتباران دانیان نا بە تاوانەكەیاندا، كە لەسەر كێشەیەك بەشەڕهاتوون و دواتر تەقەیان كردووە".
روونیشکراوەتەوە کە لە كاتی تەقەكردنەكەدا كەسێك بە ناوی (مەجید بەكر عەبدولكەریم) ویستوویەتی ناوبژیوانییان بكات، بەڵام گوللەیەك بەر سكی كەوتووە و گیانی لە دەست داوە، بۆیە تۆمەتباران بەپێی ماددەی 405 لە یاسای سزادان، بەند كراون و رووبەڕووی یاسا كراونەتەوە.
باسنیوز
