بانکی خوێنی هەولێر، سەر بە بەڕێوەبەرایەتی گشتیی تەندروستی هەولێر، چەند رینمایی و ئاگادارییەكی بۆ ئەو كەسانە بڵاو كردەوە كە پلازمای خوێنیان دەبەخشن.

دكتۆر هونەر عومەر دڵپاك، بەڕێوەبەری بانكی خوێنی هەولێر، لە پێگەی تایبەتیی بەرێوەبەرایەتیی بانكی خوێنی هەولێر، لە تۆڕی كۆمەڵایەتی (فەیسبووك) چەند ڕێنمایی و ئاگادارییەكی بۆ ئەو كەسانە بڵاو كردووەتەوە كە چاكبووەوەی ڤایرۆسی كۆرۆنان و دەیانەوێت پلازمای خوێنیان ببەخشن.

بەڕێوەبەری بانكی خوینی هەولێر، ئاماژەی بۆ ئەوەش كردووە كە ئەو كەسەی دەیەوێت پلازمای خوێنی خۆی ببەخشێت، پێویستە ئەو مەرجانەی خوارەوەی تێدابێت

١- تەمەنی لە 18 ساڵ زیاتر بێت.

٢- بارستایی جەستەی لە 50 کگم کەمتر نەبێت.

بە بەڵگەوە تووشبووی کۆڕۆنا بێت، بە بەڵگەوە چاک بووبێتەوە (پشکنین Neg.) وە.

٣- ماوەی 14 رۆژ بەسەر چاکبوونەوەی تێپەڕ بووبێت.

٤- لە ئافرەتاندا، نابێت پێشتر دووگیان بوو بێت

ڕینماییەكان لەكاتی بەخشینی پلازمای خوێن:

١- سەردانی بەڕێوەبەرایەتیی بانکی خوێن دەکات بۆ هەڵسەنگاندن.

٢- ئەگەر گونجاو بوو، نمونەی خوێنی لێ وەردەگیرێت بۆ پشکنین.

٣- ئەگەر لە پشکنینەکان کێشەی نەبوو، ئەو کات دەتوانێ پلازما ببەخشێت

تێبینییەكان:

١- سەردانی کردنی بەڕێوەبەرایەتی بانکی خوێن لە رۆژانی (شەممە هەتا چوار شەممە) لە کاتژمێر (8:00 -10:30) بەیانی دەبێت.

٢- لەوانەیە پێویست بکات دوو جار سەردانی بانکی خوێن بکەیت، رۆژی یەکەم بۆ هەڵسەنگاندن و پشکنین، رۆژی دووەم بۆ بەخشینی پلازما، ئەمەش لەبەر ئەوەی تێچووی وەرگرتنی پلازما لە هەر بەخشەڕێک نزیکەی (500.000) پینج سەد هەزار دیناری عیراقیە، بۆیە ناکرێت بە بی هەڵسەنگاندن و پشکنین ئەنجام بدرێت.

٣- بەخشەری پلازما دەتوانێت دوای یەک هەفتە دووبارە پلازما ببەخشێت.












باسنيوز