قایمقامێ‌ قەزا دهۆكێ‌ دیاركركو ژبەر نەپێگیریكرن ب رێنمایان دماوێ‌ 20 رۆژاندا ل سنۆرێ‌ پارێزگەها دهۆكێ‌ 68 جهێن جۆدا یێن كار‌ هاتنە داخستن.

ئەڤرۆ 22/6/2020ێ‌ جەهوەر عەلی عەزیز، قایمقامێ‌ قەزا دهۆكێ‌ دیار كر كو: "هەر ژ رۆژا 1/6/2020ێ‌ هەتا رۆژا 20/6/2020ێ‌ ل سنۆرێ‌ قەزا دهۆكێ‌ دا لێژنێن دوڤچوونێ‌ سەرەدانا 3 ھزار و 146 جهێن جۆدا جۆدا یێن كار كرینە. دڤان سەرەدانان دا 68 جه‌ هاتینە داخستن و 19 جه ژی هاتینە سزادان ب كوژمێن جۆدا یێ پارەی. هەروەسا ژی 537 هوشداری بۆ جهێن كار هاتینە دان داكو پێگیریێ‌ ب رینمایان بكەن".

خۆیا ژی كر كو: "هەر جهەكێ‌ كاربكەت وپێگیریێ‌ رێنمایان نەكەت دهێتە سزادان و داخستن. نۆكە هەموو لێژنێن دوڤچوونێ‌ ل دهۆكێ‌ كاردكەن ب وێ‌ چەندی هەموو جهێن كاردكەن دووڤ رێنمایان كاری خوە ئەنجام بدەن. یێ‌ سەرپێچی‌ بكەت دێ‌ تووشی‌ سزادانێ‌ بیت".












باسنیوز