ساخلەمیا دهۆكێ: ل دهۆكێ هەتا نۆكە 88 تووشبوی هاتینە چارەسەركرن
د. نزار عسمەت، رێڤەبەرێ گشتی یێ ساخلەمیا پارێزگەها دهۆكێ دیار كر كو: "ئەم هەولێن بەردەوامداینە بۆ سنۆرداركرنا ڤێ نەخۆشیێ. نها ل دهۆكێ 135 تووشبووی هاتینە تۆماركرن ژوانا ژی 88 چارەسەربووینە. نها 47 ناڤ نەخۆشخانێ دا ماینە. چوو حالەتێن گیان ژ دەستدانێ نەبووینە و پتر ژ 23 هزار پشكنینان بۆ كەسێن گومانلێكری هاتینە ئەنجامدان و پتر ژ حەفت هزار كەس هاتینە كەرەنتینكرن وهژمارا زۆر كەسان ل دهۆكێ هاتینە كەرەنتینكرن وبەردەوام خەلك دهێتە كەرەنتینكرن. ئەم بەردەوام دهۆكێ سنۆرداربكەین ونەهێلن زێدەتر حالەت بەلاڤ بن".
ئاشكەرا كر كو: "پلان بۆ پاشەرۆژێ هاتینە دانان بۆ خوە بەرهەڤكرن زێدەتر ل ژوورا ئۆپەراسیۆنا دهۆكێ. پتر خەلك یێ هوشیار بیت وپێگیر بیت رێنمایێن تەندروستی چونكو ئەڤە باشترین رێك نەخۆشی بەلاڤ نەبیت. نها ل هەر قەزایەكا دهۆكێ شیرەتكاریەكا تایبەت بۆ نەخۆشی هاتیە ڤەكرن دێ پتر خزمەتا وەلاتیان هێتە كرن وكەسێن نیشانێن نەخۆشی دەڤ پەیدابن دێ بۆ سەنتەرێ گومانلێكریێن كورۆنایێ هێتە رەوانەكرن. هەكە پۆزەتیف بیت دێ بۆ نەخۆشخانێ هێتە رەوانەكرن".
خۆیا ژی كركو ئێك ژ پێنگاڤێن نوو ل دهۆكێ ئێدی بتنێ لێگەریان بۆ نەخۆشی نینە وپێدڤیە خەلك ژی هەڤكاریا مە بكەت. كەسێ گومان لسەر هەبیت ئەو بخوە قەستا نەخۆشخانەیان بكەت داكو رەوشا وی بهێتە كونترول كرن ،هەكە كورۆنا هەبیت بهێتە سنۆرداركرن ونەهیلن زێدەتر نەخۆشی بەلاڤ ببیت".
باسنيوز
