ئەڤساڵە ل چاڤ ساڵێن بۆری رێژا پێڤەدانا دوپشك و مارا زێدە بوویە، كو ل وان كەسێن دوپشك و مارا پێڤەدای ب تنێ‌ ئافرەتەكێ‌ گیانێ خوە ژ دەست دایە، دوماهیك جار مێشڤانەكێ‌ دەڤەرێ‌ مارەكێ‌ گەلەك مەزن كوشتیە.

حەبیب ئەحمەد مێشڤانەكێ‌ دەڤەرا ئاكرێ‌ یە ل (فەیسبۆكێ‌) خو بەلاڤكریە ل دەمێ‌ سەخبێركرن و چاڤدێریكرنا مێشانا ل دەڤەرا ئاكرێ‌ مارەكێ‌ مەزن دیتیە پشتی چەند بزاڤا ئەو مار كوشتیە.

عەلی سالح، دانعەمرەكێ‌ دەڤەرا ئاكرێ‌ یە راگەهاند: "ئەڤساڵە ژبەر كو بارانێن باش بارینە و گژو گیایێ‌ زوورە ل دەڤەرێ‌ مار گەلەك زوور بۆینە، پرانیا مارێن ئەڤساڵە هاتینە دیتن و كوشتن ژەهر دار بۆینە مەترسی لسەر ژیانا مروڤا و ئاژەلداریێ‌ پەیداكریە."

سەباح زهێر بەرپرسێ‌ راگەهاندنا ساخلەمیا ئاكرێ‌ راگەهاند: "ئەڤساڵە هەتا هەیڤا شەش رێژا پێڤەدانا ماری زوور بۆیە ل چاڤ ساڵێن بۆری بەلێ‌ ب تنێ‌ ئافرەتەكێ‌ گیانێ‌ خوە ژ دەست دایە بەریا بگەهینن نەخوشخانێ‌ و ئەوێن دی هەموو یا چارە سەری بۆ هاتیە كرن، 80 حالەتێن پێڤەدانا دوپشك و مارا هاتینە تۆماركرن ل نەخوشخانا ئاكرێ‌ 68 كەسا دوپشكی پێڤەدایە و 12 كەسا ژی ماری پێڤەدایە ب تنێ‌ ئافرەتەكا 40 ساڵی ل ددەڤەرا نەهیلێ‌ ل ناحیا دینارتە گیانێ‌ خوە ژ دەستدایە بەریا بگەهینن نەخوشخانێ‌ و یێن دی هەموویا چارە سەری بۆ هاتیە كرن.








باسنیوز