سەرۆکی فراکسیۆنی پارتی دیموکراتی کوردستان لە پەرلەمانی کوردستان کە هاوکات ئەندامی شاندی پێکهێنانی کابینەی نوێی حکوومەتی هەرێمی کوردستانە بە سەرۆکایەتیی مەسرور بارزانی، وادەی متمانەدانی بە کابینەی نوێ ئاشکرا کرد.

ئومێد خۆشناو، ڕای گەیاندووە، گفتوگۆ لەگەڵ ئەو لایەنانەی کە بەشداری لە حکوومەتدا دەکەن، کۆتایی هاتووە و هەموو ڕێککەوتنەکان تەواو بوون، ئێستا سەرۆک وەزیرانی ڕاسپێردراو چاوەڕوانی ناوی کاندیدی لایەنەکان دەکا تاوەکوو پێشكەش بە پەرلەمانی بكات.

ڕوونیشی کردووەتەوە کە سەرۆكایەتیی پەرلەمان ڕۆژی كۆبوونەوەکە دیاری دەكات و متمانە بە كابینەی نوێی حكوومەتی ھەرێمی كوردستان دەدرێت".

هاوکات ئەوەشی بۆ ماڵپەڕی فەرمیی حزبەکەی ڕوون کردووەتەوە، ھەر لایەنێك لە کاتی دیاریکراودا كاندیدی خۆی پێشكەش نەكات، ئەوا “پرۆسەکەی بۆ دواناخرێ و لە كاتی خۆیدا بە ڕێوە دەچێت، سەردانەكانیش تەواو كۆتاییان پێ ھاتووە و چاوەڕوانی وەرگرتنی سیڤییەكانیانین پێش چوونە نێو پشووی ھاوینەی پەرلەمانی كورستان، چونكە بەر لەو وادەیە، پەرلەمان كۆدەبێتەوە و متمانە بە كابینەی نوێی حكوومەتی ھەرێمی كوردستان دەدرێت و ھیچ ڕێگرییەك لە پێش پێكھێنانی حكوومەتی ھەرێمی كوردستاندا نییە”.











باسنيوز