ئایدن مەعروف سەرۆکی فراکسیۆنی بەرەی تورکمانی رايگەیاند: "پێکھاتەی تورکمان بەشداریی کابینەی نۆیەمی حکوومەتی ھەرێمی کوردستان دەکات".

گوتیشی: "پۆستی وەزیری ھەرێم بۆ کاروباری پێکھاتەکان دەدرێت بە تورکمان".

لەبارەی کاندیدەکەشەوە تا ئێستە کاندیدی ئەو پۆستە بە فەرمی یەکلای نەکرێتەوە.

ئایدن مەعرووف سەرۆکی فراکسیۆنی بەرەی تورکمانی کاندیدی بەھێزە بۆ وەرگرتنی ئەو پۆستە.

ئەمڕۆ شەممە مەسرور بارزانی بۆ گفتوگۆکردن لەسەر پێکھێنانی حکوومەت لەگەڵ پێکھاتەکان کۆ بووەوە و پێکھاتەکانیش بەشداریی کابینەی نۆیەمی حکوومەتی ھەرێمی کوردستان دەکەن.











باسنيوز