ڕێڤەبەرێ گشتی یێ باژێرڤانیان ل پاریزگەها دهۆكێ راگەهاند، ب كۆژمێ‌ 9 ملیار دیناران پرۆژه‌یێ‌ پاقژكرنا زاخۆ هاته‌ ئیمزاكرن

دیار بەحری ڕەسووڵ، بۆ ماڵپەرێ فەرمیی پارتی دیموکراتی کوردستان گۆت:" ته‌نده‌رێ‌ پرۆژه‌یێ‌ پاقژكرنا زاخۆ ب كۆژمێ‌ 9 ملیار و 873 ملیۆن دیناران ژلایێ‌ رێڤه‌به‌رێ‌ گشتیێ‌ باژێرڤانیان ل پارێزگه‌ها دهۆكێ‌ و كۆمپانیا هیزل ڤه‌ هاته‌ ئیمزاكرن.

گۆتژی:" پشتی ته‌نده‌ر ژلایێ‌ پارێزگارێ‌ دهۆكێ‌ ڤه‌ بۆ كۆمپانیا هیزل كه‌فتی، ئه‌ڤرۆ رۆژا ئێكشه‌مبی 16/6/2019 ل كۆچكا رێڤه‌به‌ریا گشتیا باژێرڤانیان ل پارێزگه‌ها دهۆكێ‌ ئیمزا ل سه‌ر ته‌نده‌رێ‌ پرۆژه‌یێ‌ پاقژكرنا قه‌زا زاخۆ بۆ ماوێ‌ سێ‌ سالان هاته‌ كرن و كۆژمێ‌ 9 ملیار و 873 ملیۆن دیناران هاتینه‌ ته‌رخانكرن و بۆ هه‌ر مه‌هه‌كێ‌ 274 ملیۆن دینارن.

ناڤهاتی دیار ژی کر، پرۆژه‌یێ‌ پاقژكرنا قه‌زا زاخۆ ل 12/6/2019 بۆ كۆمپانیا هیزل هاتیه‌ ره‌وانه‌كرن و ل 1/7/2019 دێ‌ ده‌ست ب ئه‌نجامدانا پرۆژه‌ی هێته‌ كرن و 65 ترۆمبێلێن پاقژكرنێ‌ بۆ پرۆژه‌ی هاتینه‌ ته‌رخانكرن.


kdp -