(كوردستان پەڕینەوە بەرەو هەرمان)كتێبێكی دیكۆمێنتاری بەختیار شاخی-یە، نووسەر پشتی بە گێڕانەوەی رووداوەكان نەبەستووە، بەڵكو خۆی رووداوەكانی نووسیوەتەوە، نووسین و تۆماركردنی رووداوەكان لە كات و ساتی خۆیدا، بە پشتبەستن بە بەڵگەو زانیاری یەكێكە لە باوەڕپێكراوترین شێوازەكانی سەرچاوەسازی بۆ مێژوو، بە تایبەتیش لە كتێبی(كوردستان، پەڕینەوە بەرەو هەرمان) كە نووسەرەكەی خۆی لەناو رووداوەكاندا بووەو بەپێی كارەكەی وەك یەكێك لە ئەندامانی تیمی نزیك لە سەرۆك بارزانی، لە بەشی هەرەزۆری كۆبوونەوەو دیدارە سەربازی و دیپلۆماتیكەكاندا بەشداربووە، ئەوەش متمانەیەكی زیاتر بە خوێنەری كتێبەكە دەبەخشێت. ئەم كتێبە دەبێتە سەرچاوەیەكی باوەڕپێكراو بۆ هەر لێكۆڵینەوەیەك كە لە داهاتوودا لە بارەی سێ قۆناخی، شەڕی داعش، ریفراندۆمی سەربەخۆیی و خیانەتی شازدەی ئۆكتۆبەر، بنووسرێت.
لە رێوڕەسمی واژۆكردنی ئهم كتێبەدا بەڕێز ئازاد جوندیانی نووسهر و رۆژنامەنووس له پەیڤێكدا سەبارهت به ههڵسهنگاندنی بۆ ئهم كتیبه دهڵێت: (سەرەتا دەبێ دەستخۆشیی ماندوونەبوون لە كاك بەختیار شاخی بكەم، كە ئەركێكی قورس، بەڵام زۆر بەهاداری لە نووسینی ئەم كتێبەدا وەئەستۆی خۆی گرتووە، كە تۆمارێكی گەرماوگەرمی رووداوەكانی شەڕی داعش و هەل و مەرجە سیاسییەكان و كێشمەكێشە ناوچەیی و نێودەوڵەتییەكانی ئەو قۆناخەیە، كە خەریك بوو داهاتووی هەموو ناوچەكە بە تیرۆر رەنگڕێژ بكا و داهاتوویەكی مەترسیدار بە بەر هەموو جیهان ببڕێ.
له بهشێكی گوتهكانیدا جوندیانی دهڵێت: ئەم كتێبە، كە بە زمانی نەخشە و زمانی فۆتۆگرافیش ئە دوێ، شێوازێكی نوێی نووسینەوەی رووداوەكانە بە گەرما و گەرمی و ئەشێ میتۆدێكیش بێت بۆ نووسینەوەی مێژوو، بەتایبەت لەو رووداوە كە نووسەرەكەی یادداشتەكانی خۆی تۆمار ناكا، بەڵكو رووداوەكانی بەرەی جەنگ و بەرەی سیاسەت تۆمار ئەكا ئەویش لەڕێی شوێن پێهەڵگرتنی بیركردنەوە و پراكتیكی فەرماندەی گشتی هێزی پێشمەرگە و بزاوتی هەر یەكێك لە پێشمەرگە قارەمانەكان، بەوانەی شەهید یان بریندار بوون.
ئەوەی بە وردی ئەم كتێبە بخوێنێتەوە، وەك من كە بەر لە چاپكردنیدا كاك بەختیار برایەتیی نواند و هاوكارم بوو لە خوێندنەوەی دەستنووسەكەی، بۆیە لەو خوێندنەوەیەوە پرسیارێك لە مێشك و هزرمدا ئەهات و ئەچوو، كە دڵنیام پسپۆرانی بواری مێژوونووسی و مێژووناسی باشتر و پوختەتر لە من هەمان ئەو پرسیارەیان لا ئەورووژێ، كە لای من تا ماوەیەك بەر لە ئێستا لەگەڵمدا بوو، ئەو پرسیارە سەبارەت بە شێوازی تۆماری رووداوەكانە لە ساتەوەختی روودانیاندا، ئایا ئەمە بە چ پڕۆسەیەكی مێژوونووسین ناودێر بكەین؟ ئایا ئەمە خودی مێژووە یان جێ پێیەكانی مێژووە، بۆیە ئایا ئەوەی ئەم كارە ئەنجام ئەدا، وەك ئەوەی كاك بەختیار ئەوە پراكتیكی مێژوونووسینە یان شوونهەڵگری مێژوو؟ له دوماهیشدا دیسان جوندیانی سهبارهت به ناونیشانی ئهم كتێبه دهڵێت: دوا وشەم ئەوەیە كە ناوی كتێبەكە زۆر سەرنجڕاكێشە و لە وتارێكی سەرۆك بارزانی وەرگیراوە، كە لێكدانەوە و پێناسەكردنی سەركەوتنە بەسەر داعشدا، بەو مانایەی كە ئەوەی لەو جەنگە و لێكەوتەكانی واوەتری جەنگ و شەڕی سەپێنراوی دوای ریفراندۆمیشدا بۆ كورد وەدی هات، تەنیا بەرگری و خۆپارێزی نەبوو، بەڵكو پەڕینەوەیەكی گەواهی بۆ دراوە لە هەڕەشەی زبری لەناوچوونەوە بۆ مێرگی مانەوەی هەمیشەیی، كە (هەرمان) مانایەكی سادەی وشەیەكی سادە نییە، بەڵكو مانایەكی قووڵە و هەڵگری دەلالاتی زمانی دیكەیە بە مانای (نەمری) بە هەموو مانا دیار و شاراوەكانی نەمری و قووڵاییەكانی زمانەوە.
بهم بۆنهوهیه دهستخۆشی له برا و هاوكارمان بهختیار شاخی دهكهین و خهرمان بهرهكهت.