بەرێوەبەرایەتیی ئاسایشی رۆژئاوای سلێمانی پاسێکی گەشتیاری کە بە (مەنشەئە) ناسراوە، بە مادەی ھۆشبەرەرەوە دەستی بەسەردا گیراوە چوار عەرەبیش بەو تۆمەتە دەسگیر کراون.

ئاسایشی رۆژئاوای سلێمانی لە راگەیەندراوێکیدا ئاماژە بەوە دەکات: "چوار بازرگانی مادەی ھۆشبەر دەستگیر کراون، ھەروەھا دەست بەسەر نزیکەی حەوت ملیۆن حەپ و دەرزی کە سەرجەمیان قەدەخەن و مادەی ھۆشبەرن، گیراوە".

باس لەوەش کراوە: "پاش ئەوەی زانیاریمان پێگەیشت لەڕێگەی سەرچاوە تایبەتەکانی خۆمانەوە، لەشەوی 7/6/2019، کە ھاوکات چوارەم ڕۆژی جەژنی ڕەمەزان بوو، ھێزەکانمان توانییان لەکاتی ئاماژەپێکراودا لەبۆسەیەکدا لەبازگەی بانی مەقان دەست بگرن بەسەر پاسێکدا و بڕێکی زۆر لەحەپ و دەرزی ھۆشبەری تێدا بوو، لەھەمان کاتدا چوار کەس بەتۆمەتی بازرگانیکردن بەو مادانەوە دەستگیر کراون، کە ویستوویانە ئەو مادانە لە پارێزگای سلێمانییەوە بگوازنەوە بۆ بەغدا، ئێستا سەرجەم مادەکان دەستیان بەسەردا گیراوە و ئەو چوار کەسەش بەڕەگەز عەرەبن کە تۆمەتبارن بە بازرگانیکردن بەو مادانەوە بەپێی مادەی چواردەی ھۆشبەر و بەبڕیاری دادوەر بەندن و لێکۆینەوە لەدۆسیەکە بەردەوامە".

کۆی ئەو حەپ و مادانەی کەدەستیان بەسەردا گیراوە نۆ جۆرن:

۱- لۆرازپام / loraze pam
2- لۆراز پام/loraze pam
3- پۆکساکیم/poxakim
4- لۆرازپام۲/ 1mg\lorazepam
5- کونکرە ملغم/concor
6- زیادیک/zeeadic
7- فۆس ماکس/fosmax
8- turbuhaler
9- لورازپام۱/lorazepam










باسنيوز