رێڤەبەرێ‌ ناحیا باشیك دیار كر راپۆرتەك ل سەر سۆتنا دەخلۆدانێ‌ جۆتیارێن باشیك هاتیە بەرهەڤكرن. ل گۆری وێ‌ راپۆرتێ‌ هەتا ھزار و250 دونمێن دەخلۆدان هاتینە سۆتن ژوانا ژی چەند باغێن زەیتوتان بووینە.

زنون یونس، رێڤەبەرێ‌ ناحیا باشیك دیار كر: "ئەڤ سالە ژ هەموو سالان پتر دەخلۆدانێ‌ جۆتیارێن باشیك وبەحزانێ‌ و گوندێن بسەر ڤە هاتیە سۆتن. رووبەرێ‌ 1250 دونم سۆتینە، دئەنجامدا ژی زیانەكا مەزن گەهشتیە جۆتیاران. نۆكە راپۆرتەك هاتیە بەرهەڤكرن ب مەرەما قەرەبوو كرنا جۆتیارێن دەڤەرا باشیك. ئەم داخوازێ ژ حكومەتا عێراقێ و وزارەتا چاندنێ‌ دكەین ب زووترین وەخت دەست ب قەرەبوو كرنا جۆتیاران بهێتە كرن داكو بشێن بەردەوامی‌ ب كارێن خوە یێن چاندنێ‌ بدەن ل دەڤەرێ‌ وئەو باغێن زەیتونان ژی یێن زیان گەهشتی، بهێنە قەرەبوو كرن".

خویا ژی كر: "ترۆمبێلین ئاگرڤەمراندنێ ئەڤ سالە دكێم بوون لەورا دەمێ‌ ئاگر ل جهەكێ‌ دكەت زوو نەدهاتە كۆنترول كرن، دئەنجامدا ژی رووبەرێن مەزن یێن دەخلۆدان‌ هاتنە سۆتن".










باسنيوز