له‌ په‌یامێكی پیرۆزباییدا بۆ به‌ڕێز نێچیرڤان بارزانی سه‌رۆكی هه‌ڵبژێردراوی هه‌رێمی كوردستان، به‌ڕێز خێرت بۆرژوا سەرۆك وەزیرانی حکوومەتی فلاندەرز پیرۆزبایی له‌ به‌ڕێزیان كرد به‌بۆنه‌ی هه‌ڵبژاردنی وه‌ك سه‌رۆكی هه‌رێمی كوردستان، ئه‌مه‌ ده‌قی په‌یامه‌كه‌یه‌:

بۆ سەرۆکی هەرێمی کوردستان

بەڕێز نێچیرڤان بارزانی

ڕێزدار،
وەکو سەرۆكوەزیرانی کاربەڕێکەری حکوومەتی فلاندەرز، دەمەوێت پیرۆزباییت لێبکەم بەبۆنەی هەڵبژاردنت و دەستنیشانکردنت وەکو سەرۆکی هەرێمی کوردستان.

شانازی دەکەم بەو هەماهەنگییە بەهێزەی بەیەکەوە دروستکرا لەنێوان ئێمە و حکوومەتی بەڕێزتانه‌وه‌. سەردانی من بۆ هەرێمی کوردستان لە نیسانی ٢٠١٦ وەکو خالێکی گرنگ و بەرچاوی چالاکی کارەکانم دەمێنێتەوە.

بەداخەوە، لەبەر هەڵبژاردنەکانی ئەم کۆتاییە و پرۆسەی پێکهێنانی حکوومەتی فلاندەرز، ناتوانم ئامادەبم لە مەراسیمی دەستبەکاربوونی بەرێزتان.

دووبارە دەمەوێت پیرۆزباییت لێبکەم و هیوای سەرکەوتنت بۆ دەخوازم لە ئەرکی داهاتووتدا وەك سەرۆك.
kdp-