تلكیف.. خانیێن مەسیحیان دهێنە نوژەنكرن و باوەری نینە ڤەگەرن
ئەمجەد شێخ رەشۆ، ئەندامێ جڤاتا قەزا تلكێفێ دیار كر: "مەسیحی ژبەر نەبوونا باوەری هەتا نوكە ژی بەرهەڤ نەبووینە ڤەگەرن وخانین وان بهێنە نوژەنكرن وەكو مە ژی زانی وەسا بریارا هەر كەسەكێ خانیی وێ بهێتە نوژەنكرن ل تلكیفێ پێدڤیە ڤەگەرتە دناڤ خانیی خوە دا بتنی هەتا 40 خێزانان زڤرینە یێن دیتر هیشتا نە زڤرینە دەڤەری و دیارژی نێنە كا دێ زڤرن یان نە چونكو دەمێ تیرۆرستین داعش هاتینە تلكیفێ مەسیحێ هەموو ئاوارە بوون هەتا نوكە ژی باوەری بۆ خێزانێت مەسیحی دروست نەبوویە بزڤرن راستە خانیی دهێنە نوژەنكرن وچێكرن لێ هیشتا خەلكێ باوەری نێنە ڤەگەرن".
خۆیا ژی كر: "ژبلێ مەسیحیان هژمارەكا مالێن ئێزدیان ژی ل تلكیفێ بوون هەموو ئاوارە بوون هەتا نوكە ژی ئێك خێزان ژ ئاوارەیێ نە زڤریە تلكیفێ راستی ژی هەموو خەلكێ مە چاڤەرینە پێشمەرگەه ڤەگەرتە تلكیفێ هەر دەمێ پێشمەرگەه هات دێ هەموو خەلك ڤەگەرن".
باسنيوز
