سڵاوی سه‌رخۆبوون و ئازادی...
بە بۆنەی هەڵبژاردنی بەرێزتان وەک سەرۆکی هەرێمی کوردستان بە ناوی خۆمان و ته‌واوی ئه‌ندام و لایه‌نگرانی یه‌كێتی نه‌ته‌وه‌یی دیموكراتی كوردستان YNDK، رازاوه‌ترین پیرۆزبایتان ئاراسته ‌ده‌كه‌ین.
به‌رێزتان كه‌سێكی شیاون بۆ ئه‌م پۆسته‌ و دڵنیاین سه‌ركه‌وتوو ده‌بیت له‌م ئه‌ركه‌ قورسه‌ی پێت سپێردراوه‌ و ئەزموونی چەند ساڵی رابردووی به‌رێزتان له‌ حكومه‌ت و كاری دبلۆماسی له‌سه‌ر ئاستی ناوخۆیی و ئه‌قلیمی و جیهانی، هەموو لایەکمان دڵنیا دەکاتەوە، کە بەرێزتان سەرۆکێکی سەرکەوتووى به‌ئه‌زموون و شارەزای له‌بواره‌كانی دبلۆماسی و ئاوەدانی و ئاشتی و ئارامی.
ئێمه‌ له‌ یه‌كێتی نه‌ته‌وه‌یی دیموكراتی كوردستان YNDK، پالپشتی به‌رێزتانین له‌سه‌رخستنی كاره‌كانتان بۆ به‌دیهێنانی ته‌واوی مافه‌كانی گه‌لێ كوردستان.

له‌گه‌ڵ رێزماندا....

مه‌كته‌بی سیاسی
یه‌كێتی نه‌ته‌وه‌یی دیموكراتی كوردستان
YNDK
28/5/2019