بنگەهێ لالش یێ رەوشەنبیری و جڤاکی ڕاگەهاند، ، بێ گوومان نیچیرڤان بارزانی دێ درێژه‌پێده‌رێ وێ به‌ره‌ڤانی و لێپرسینا جه‌نابێ سه‌رۆك مسعود بارزانی بیت بۆ ئێزدیان.

دبەیاننەکا بنگەهێ لالش دا کو دانەیەک بۆ ماڵپەرێ فەرمیی یێ پارتی دیموکراتی کوردستان شاندیە و تیدا هاتیە، ب ڤێ پێنگاڤا مێژویی و گرنگ دلخوه‌شیه‌ك كه‌تیه‌ ناڤ جڤاكا كوردستانی و دناڤداژی دلخوه‌شیا كوردێن ئێزدی زێده‌تره‌ ژ هه‌ر تاكه‌كێ كوردستانی،ئه‌ڤه‌ژی دزڤریته‌ڤه‌ بۆ هه‌لویست و گرنگی دانا به‌رده‌وام یا نێچیرڤان بارزانی بۆ ئێزدیان ،ب تایبه‌ت پشتی جینوسایدكرنا ئێزدیان ل شنگالێ رۆلێ وه‌ یێ دیرۆکی بوویه‌ به‌رامبه‌ر قورتالكرنا گرتی و ره‌ڤاندیێن مه‌.

بەیانێ ئاماژە دایە، ئه‌و ئه‌زمونا مه‌ دگه‌ل نێچیرڤان بارزانی هەی،‌ مه‌ پشت راست دكه‌ دێ ب هه‌مان نه‌فه‌س و تێگه‌هشتن چاره‌سه‌ریا ده‌رد و برینێن ئێزدیا ب تایبه‌ت ل شنگال كەت، یەقین جه‌نابێ وی دێ درێژه‌پێده‌رێ وێ به‌ره‌ڤانی و لێپرسینا جه‌نابێ سه‌رۆك مسعود بارزانی بیت ل ئێزدیا.

دبەشەکی دن یێ بەیاننامێ دا هاتیە، دخوازین پرسێن چاره‌نڤیسی یێن گرێدایی كوردێن ئێزدی وه‌كو ده‌ستورێ كوردستانێ یێ هه‌میشه‌ی و زامنكرنا پاراستنا مافێن هه‌می پێكهاتێن ئاینی و نه‌ته‌وی ل كوردستانێ و جێبه‌جێكرنا مادا ١٤٠ و ئارامكرنا و سروشتی كرنا ره‌وشا وان ده‌ڤه‌را ژ كار و به‌رنامه‌یێ ناڤبری بن.


kdp-