بەرپرسی كۆمیتەی قەرەتەپەی یەكێتیی نیشتمانیی كوردستان، سووتانی بڕێكی زۆری بەروبوومی جووتیارانی گوندێكی كوردنشینی شارەدێی قەرەتەپەی ڕاگەیاند.



محەمەد عومەر، بەرپرسی كۆمیتەی قەرەتەپەی یەكێتیی نیشتمانیی كوردستان، ڕاگەیاند: "ئێوارەی دوێنێ 21/5/2019 لە گوندی (قەرەیەتاخ)ی سەر بە شارەدێی قەرەتەپەی سەر بە پارێزگای دیالە ئاگر لە زەوی و زاری جووتیارانی گوندەكە كەوتووەتەوە و بەو هۆیەوە ڕێژەیەكی زۆری بەروبومی جووتیارانی گوندەكە سووتاوە".



گوتیشی: "تا ئێستا نازانرێت هۆكاری ئاگركەوتنەوەكە چییە، بەڵام پێدەچێت بەهۆی دزەكردنی ئاگرەوە بێت لەو زبڵ و زاڵ زاڵانە بێت كە لە نزیك شارەدێیەکە دەسووتێنرێت و لەلایەن هاووڵاتییانەوە ئاگرەكە كۆنترۆڵ كراوە".



ئاماژەی بەوەش دا "گوندی "قەرەیەتاخ" نزیكەی 4 كیلۆمەتر لە شارەدێی قەرەتەپەوە دوورە و نزیكەی 45 ماڵی تێدا نیشتەجێیە".






باسنیوز