جینین ھەینس پلاسخارت نوێنەری نەتەوە یەکگرتووەکان لە عێراق رایگەیاند "دڵخۆشم کە گفتوگۆکان بۆ پێکھێنانی کابینەی نوێ حکوومەتی ھەرێمی کوردستان کۆتاییان ھاتووە و رێککەوتن کراوە".

لە کۆبوونەوەی تایبەتی ئەنجومەنی ئاسایشی نێودەوڵەتی تایبەت بە عێراق، نوێنەری نەتەوە یەکگرتوەکان لە عێراق گوتی: "داعش لە عێراق ھێشتا ھەڕەشەیە و مەترسی سەرھەڵدنەوەی ھەیە و گەندەڵیش رێگرە لە پێشکەوتنی ئەو وڵاتە".

پلاسخارت راشیگەیاند: "سەرۆک وەزیرانی عێراق بە روونی و بە ئاشکرا پێی وتووین گەندەڵی ناوبانگی عێراقی ناشیرین کردووە و ھێزی لەبەر بڕیوە".

تایبەت بە ھەرێمی کوردستان گوتی: "دڵخۆشم بەوەی کە دوای گفتوگۆ و دانوستانێکی زۆر رێککەوتن لایەنەکان بۆ پێکھێنانی كابینه‌ی نوێی حکوومەتی ھەرێمی کوردستان رێککەوتن و ھەموو ئاماژەکان بۆ ئەوە دەچن کە مانگی داھاتوو کابینەی نوێی حکوومەتی ھەرێمی کوردستان پێکدەھێنرێت".

لەبارەی پێشمەرگەوە پلاسخارت ئەوەی خستەڕوو: "ریفۆرم خاڵێکی گرنگە بۆ رێکخستنەوەی ئەو ھێزە".








K24