هه‌ر حه‌وت فراكسیۆنه‌ كوردستانییه‌كه‌ی په‌رله‌مانی عێراق ،له‌ رێگه‌ی نووسراوێكی فه‌رمییه‌وه‌ كه‌ واژووی سه‌رۆك فراكسێۆنه‌كانی بەسەرەوەیە داوای پێكهێنانی لیژنه‌یه‌كی كاتیی دەکەن بۆچاودێریكردنی جێبه‌جێكردنی ماده‌ی 140 .


ئاشكرایه‌ كه‌ چه‌ند گرنگه‌ ئارامی كۆمه‌ڵایه‌تی بپارێزرێت و هه‌نگاو بنرێ بۆ چاره‌سه‌ركردنی ئه‌و كێشانه‌ی رووبه‌ڕووی پێكهاته‌كان ده‌بێته‌وه‌ له‌ناوچه‌كانی جێ ناكۆك( ناوچه‌ كوردستانییه‌كانی ده‌ره‌وه‌ی ئیداره‌ی هه‌رێم)كه‌ ناو به‌ناو گرفت و كێشه‌كانی ده‌بێته‌ هۆكاری درووستكردنی مه‌ترسی له‌سه‌ر ئه‌و ناوچانه‌".


لە نووسراوەکەدا كه‌ ئاراسته‌ی سه‌رۆكی په‌رله‌مانی عێراق كراوه‌ ئەوەش خراوەتە ڕوو" ئێمه‌ وه‌ك سه‌رۆكی هه‌ر حه‌وت فراكسێۆنه‌ كوردستانییه‌كه‌،به‌ پشت به‌ستن به‌ماده‌ی ( 71) له‌ په‌یڕه‌وی ناوخۆ رێگە دراوە به‌ درووستكردنی لیژنه‌یه‌ك بۆچاودێریكردنی ماده‌ی 140ی ده‌ستوور تا ئاسایی كردنه‌وه‌ی دۆخی ئه‌و ناوچانه‌ و داوا دەکەین".



له‌دوابه‌شی نامه‌كه‌دا دوا له‌سه‌رۆكی په‌رله‌مان كراوه‌ له‌به‌ر دۆخی ئه‌و ناوچانه‌ لیژنه‌ی مادده‌ی 140 بۆ ئاسایی كردنه‌وه‌ی دۆخەکە پێكبهێنرێ.










باسنیوز