پشتی نەمانا ئاشکەرایا داعشێ ل ئیراق و شامێ، نها داعشێ پلان و ستراتیژ و تەکتیکێن شەڕی گوهارتینە و خەلکێ وێ دەڤەرێ ژی ددەنە خویاکرن، ژمارەیەکا مەزن یا دەخل و دانێ وان ل دەشتا نەینەوا هەیە و ترسا ئاگر بەردانێ ژئالیێ داعشێ ڤە ل سەرە.

ل نافچەیێن کەرکووک و خانەقین داعشێ ئاگر بەردا چەندین دۆنەمێن ئەردی یێن جۆتیارێن وێ دەڤەرێ و جۆتیار ژی ڤێ هێڕشێ ب مەترسی دزانن بۆ سەر ژیانا خۆ.

ئەزەت دەرمان، جۆتیارەکی دەشتا نەینەوایە، بۆ ماڵپەرێ فەرمیی یێ پارتی دیموکراتی کوردستان راگەهاند، ئەوان دەخل و دانەکی مەزن و ڕووبەرەکی مەزن یێ چاندنێ ل دەشتا نەینەوا هەیە، و ئێکەم ژێدەرێ ژیانێ یە بۆ وان و پشتی بوویەرێن کەرکووکێ کو داعشێ ئاگر بەردایێ نها مەترسی ل سەر ئاگر بەردانا وێ هەیە ژ ئالیێ داعشێ ڤە.

گۆتژی:'' هەردەم جۆتیارێن دەشتا نەینەوا بووینە قوربانی یێن دەڤەرێ ژ کەڤندا ژی ژبەر هیزێن داگیرکەر و نە یاسایی مە باجا ڤێ یەکێ دایە، نها ژی داعش بوویە هەرەشە بۆ سەر تاکە ژێدەرێ ژیانا مە.

دەشتا نەینەوا دەشتەکە مەزنە، دکەڤیتە باکوور و رۆژئاڤایی پاریزگەها مووسلێ دناڤبەرا رووبارێ زێ مەزن و ڕووبارێ دیجلە، ب چاندن و زەڤی و زاران یێ ناڤدارە و ب تایبەت گەنم و جەهـ، ڕونشتڤانێن دەڤەرێ پتری ٥٠٠ هەزار کەسینە و ژێدەرێ سەرەکی یێ ژیانا وان چاندنا کشتووکاڵییە.
kdp-