لوڕستان.. لە شەڕی نێوان دوو بنەماڵەدا 18 کەس بوونە قوربانی
بەپێی زانیاریی میدیاکانی ئێران، حاجی محەمەد مەدهیاننەسەب، ڕای گەیاندووە، بەهۆی کێشە و ناکۆکیی نێوان دوو عەشیرە لە خوڕەمئاوای لوڕستان، شەڕ و پێدادان ڕووی داوە کەلە ئەنجامدا سێ کەس کوژراون و 15 کەسی دیکەش بریندار بوون.
فەرماندەی پۆلیسی خوڕەمئاوا ئاماژەی بەوەش کردووە، هێزە ئەمنییەکان چوونەتە شوێنی ڕووداوەکە و دۆخەکەیان کۆنترۆڵ کردووە و بریندارەکان ڕەوانەی ناوەندە تەندروستییەکان کراون و لەو پەیوەندییەدا 40 کەسیش دەستگیر کراون.
ساڵانە لەناو هۆز و عەشیرەکان لە شوێنە جیاجیاکانی ئێران بەهۆی کێشەی کۆمەڵایەتی و زەوی و زار شەڕ و پێکدادان ڕوو دەدات و ساڵانە بە دەیان حاڵەتی کوشتن لەناو ئەو عەشیرانە دێتە ئاراوە.
باسنيوز
