رێڤەبەرێ‌ ناحیا كانی ماسی دیار كر دناڤ زەڤیەكێ‌ دا سێ‌ مین وتەقەمەنێن رژێما دكتاتۆر یا روخاندی عێراقی هاتنە دیتن، هەر سێ‌ ژی هاتنە ژناڤبرن كو حكومەتا ژناڤچوویا عێراقی گەلەك ئەردێ دەڤەرێ مینرێژكریە.

سەربەست ئاكرەیی، رێڤەبەرێ‌ ناحیا كانی ماسی دیار كر: "دناڤ رووبەرێ شەش هزار و 458 مەترێن مرەبەع یێ‌ ئەردی دا كو لسەر دەمێ‌ رژێما دكتاتۆر یا روخاندی عێراقی هاتبوونە چاندن ب هەڤكاریا دەزگەهێ‌ راكرنا مین وتەقەمەنیان ل دەڤەرێ شیان وان مێن وتەقەمەنیان راكەن، هەر سێ هاتنە ژناڤبرن لێ هێشتا رووبەرەكی مەزن ئەردێ ل دەڤەرا كانی ماسی و باتیفا قەزا زاخۆ ماینە وهێشتا نەهاتینە پاقژكرن كو حكومەتا ژناڤچوویی یا عێراقی رووبەرەكێ‌ مەزن دەڤەرێ مینرێژكریە".

خویا ژی كر: "هەر زەڤیەكا ل دەڤەرا كانی ماسی هەموو سنۆرێ قەزا ئامیدیێ و قەزا زاخۆ ژی بهێتە پاقژكرن ئێكسەر دهێتە رادەستكرن بۆ خۆدانان چونكو خۆدانیێن وان ئەردان ژمێژەیە چاڤەرێنە ئەردێ وان بهێنە پاقژكرن داكو دەست ب دەرامەتێ چاندنی بكەن و مفایێ ژ ئەردێ خوە وەربگرن".









باسنيوز