ڕۆژی چوارشەممە 15ـی 5ـی 2019 لە سەلاحەددین، سەرۆک بارزانی پێشوازی لە جۆن ویلکس، باڵیۆزی بەریتانیا لە عێراق و مارتین وار، کونسوڵی بەریتانیا لە ھەولێر کرد.

لە دیدارەکەدا بیروڕا لەبارەی دوایین پێشھاتە سیاسییەکان لە ئاستی نێودەوڵەتی و ناوچەیی، ھەروەھا پڕۆسەی سیاسیی عێراق ئاڵوگۆڕ کرا، وێڕای ئاماژە دان بە بەردەوامیی ھەڕەشە و مەترسییەکانی داعش لەسەر ئاساییشی عێراق و ناوچەکە، جەخت لەوە کرایەوە کە گۆڕانکاری و پێشھاتە سیاسییەکان نەبێتە ھۆی ئەوەی تەرکیز لەسەر شەڕی داعش کەم ببێتەوە.

ژیان و گوزەرانی ئاوارەکان لە پارێزگای نەینەوا، ھەروەھا کارکردن بۆ گەڕاندنەوەی ئێزدییەکان بۆ سەر ماڵ و حاڵی خۆیان و دابینکردنی ئاساییش و خزمەتگوزاری لە ناوچەکانیان، تەوەرێکی دیکەی ئەو دانیشتنە بوو.