وەزیری دارایی و ئابووریی حکوومەتی ھەرێمی کوردستان لە چەند نووسراوێکی جیاوازدا بڕیاری خەرجکردنی بڕە پارەیەکی زۆری دەرکرد.



ئەمڕۆ چوارشەممە ١٥-٥-٢٠١٩، رێکەوت حەمەڕەشید، وەزیری تەندروستیی حکوومەتی هەرێمی کوردستان، نووسراوەکانی لە ھەژماری تایبەتیی خۆی لە تۆڕی کۆمەڵایەتیی (فەیسبووک) بڵاو کردوووەتەوە و رایگەیاندووە، ئەمڕۆ رێباز حەملان، وەزیری دارایی، داواکارییەکانی وەزارەتەکەی جێبەجێ کردووە و ڕەزامەندی لەسەر داون.



داواکارییەکانی وەزارەتی تەندروستی:



- سێ ملیار و ١٥٨ ملیۆن و ٨٢٠ ھەزار دینار

بۆ دابینکردنی خواردنی یەک ساڵی نەخۆش و کارمەندانی تەندروستی.



- ١٨٠ ملیۆن دینار

بۆ دابینکردنی سووتەمەنی بۆ سیستەمی گەرمیی نەخۆشخانەکان.



- ٢٦ ملیۆن دینار

بۆ ھەشت پزیشک لە بری دانەنانی نۆرینگەی پزیشکی.



- ٢٠ ملیۆن دینار

بۆ نەخۆشخانەی چارەسەری بەرکەوتووانی چەکی کیمیاوی لە ھەڵەبجە.



- سێ ملیۆن و ١٠٨ ھەزار دینار

بۆ کڕینی چوار کۆمپیوتەر بۆ نەخۆشخانەی چارەسەری بەرکەوتووانی چەکی کیمیاوی.



- ٤٠ ملیۆن دینار

بۆ دابینکردنی خواردن بۆ نەخۆشخانەکانی سنووری راپەڕین.



- چوار ملیۆن و ١٥٠ ھەزار دینار بۆ دروستکردنی بەشی سووتاوی لە نەخۆشخانەی گشتیی ھەڵەبجە.



- ١٥ ملیۆن و ٤٤٦ ھەزار دینار

بۆ چاککردنەوە و گواستنەوەی سووتێنەر لە نەخۆشخانەی منداڵانی سلێمانی بۆ نەخۆشخانەی ھەڵەبجە.



- ٥٧٢ ملیۆن و ٩٣٤ ھەزار و ٧٥٠ دینار

بۆ نۆژەنکردنەوەی نەخۆشخانەی فێرکاریی رانیە.










باسنيوز