دوو وێستگەی دەرهێنانی نەوت لە ریازی پایتەختی سعوودییە لە لایەن دووفڕۆکەی بێ فڕۆکەوان هێرشکرایە سەریان.

خالید فالح، وەزیری نەوتی سعوودییە بڵاویکردەوە: "هێرشەکان بۆ سەر وێستگەکانی دەرهێنانی نەوت بوون، بەڵام نەبوونە هۆی وەستاندنی هەناردەی نەوت تیایاندا".

راشیگەیاندووە: "هێرشەکان ئەوە دەسەلمێنن هەڕەشە لەسەر هەناردەی نەوتی جیهانی هەیە و دەبێت رووبەڕووی گروپە تیرۆرستییەکانی وەک حووسییەکان کە ئێران پاڵپشتیان دەکات ببینەوە".

تەلەڤزیۆنی مەسیرەی سەرە بە حووسییەکان بڵاویکردووتەوە: "چەکدارە حووسییەکان لە رێگای فڕۆکەی بێ فڕۆکەوان هێرشیانکردووەتە سەر دوو پێگەی گرنگی سعوودییە".

ئەمەش لە کاتێکدایە، دوو رۆژ لەمەوبەر هێرشکرایە سەر چوار کەشتی بارزگانی ئیماراتی و سعوودی و زیانیان پێگەیەنرا، بەڵام هێشتا ئەنجامدەرانی ئەو هێرشانە ئاشکرا نەکراون.

k24-