سەرۆكی لیستی برایەتی و پێكەوەژیانی ئەنجومەنی پارێزگای مووسڵ گوتی، بڕیار بوو ھەفتەی ڕابردوو دادگا دوایین بڕیار لەبارەی پارێزگاری پێشووی مووسڵەوە بدات، بەڵام بۆ ئەم ھەفتەیە دوا خرا و ئەمڕۆش دوابڕیار لەوبارەیەوە دەدرێت.



بەرەكات شەمۆ، بە ماڵپەڕی فەرمیی پارتی دیموكراتی كوردستانی ڕاگەیاند: "بڕیار بوو ھەفتەی ڕابردوو دادگا دوایین بڕیار لەبارەی پارێزگاری پێشووی مووسڵەوە بدات، بەڵام دوا خرا و، ئەمڕۆ دوایین بڕیاری لێ دەدرێت، كە لە پۆستی خۆی بمێنێتەوە، یان نا".



شەمۆ گوتیشی: "٥٠ كەس سیڤییان بۆ پۆستی پارێزگار پێشكەش كردبوو، كە سێ لەوانە كشانەوە و ٤٧ كەس ماون، بۆیە ڕەنگە لەم ھەفتەیەدا یەكێك لەوانە ببێتە پارێزگاری مووسڵ، بەڵام ھیچ كاندیدێكی كورد نییە، چونكە ئێمە پۆستی سەرۆكی ئەنجومەنمان وەرگرتووە".


kdp-