نووسینگەی راگەیاندنی حکوومەتی ویلایەتی فەجیرە لە ئیماراتی عەرەبیی یەکگرتوو رەتی دەکاتەوە هیچ تەقینەوەیەک لە ویلایەتەکە روویدابێت.

پێش نیوەڕۆی ئەمڕۆ یەکشەممە 12-5-2019، بەشێک لە میدیا عەرەبییەکان بڵاویان کردەوە، کە چەند تەقینەوەیەک لە بەندەری فەجیرە روویان داوە.

دوای بڵاوبوونەوەی ئەو هەواڵە، نووسینگەی راگەیاندنی حکوومەتی ئیمارەتی فەجیرە رایگەیاندووە، کارەکان لە بەندەری فەجیرە بەشێوەی ئاسایی خۆیان دەڕۆن.

نووسینگەکە ئاماژەی بەوەش کردووە، کە پێویست بوو ئەو سەرچاوەیەی هەواڵەکەی بڵاو کردەوە، پەیوەندیی بە دامودەزگاکانی حکوومەتەوە بکات بۆ وەرگرتنی راستییەکان.










باسنيوز