ل دهۆكێ 100 نۆژدار بێ بەرامبەر خزمەتا خێزانێن شەهیدان دكەن
حەمزە رەزیكی ، بەرپرسێ راگەهاندنا رێڤەبەریا ساخلەمیا پارێزگەها دهۆكێ دا دیاركرن: هەر ب مەرەما پتر خزمەتكرن و دلخوشكرنا خێزانێن شەهیدان، رێڤەبەریا مە ب هەماهەنگیا لقا (1) یا (پ.د.ك) رابونە ب كومكرنا (100) نوژداران كو د بوارێن جودا جودا دانە دێ خزمەتا هەمو خێزانێن شەهیدان كەن و خێزانێن هەژار و كێم دەرامەت هێتە كرن و گوت ژی: بو ئەڤی كاری (د.نزار عسمەت تەیب) رێڤەبەرێ گشتی یێ ساخلەمیا پارێزگەها دهوكێ دگەل رێڤەبەریا كاروبارێن شەهید و ئەنفالكریان ل دهوكێ كومبویە و (4) بنگەهێن هەڤپشك هاتینە دیاركرن و ژڤانە ل وان بنگەهان خزمەتا كەس و كارێن شەهیدان بهێتە كرن.
ناڤبری دا دیاركرن ژی: ئەو (4) بنگەهە ل (دهوك و ئامێدیێ و ئاكرێ و شێخان) هاتینە دەستنیشانكرن و دێ بەردەوام بین ل سەر خزمەتكرنا خێزانێن شەهیدان و هیڤیا مە ئەوە ئەم بشێن پشتی هەیڤا رەمەزانا پیرۆز ئەڤی كاری بەردەوامیێ پێ بدەین و بشێن هەمو هەیڤان بێ بەرامبەر خزمەتا خێزانێن شەهیدان بكەین و ب خزمەتكرنا وان ئەم ب ئەركێ خو دزانین.
باسنيوز
