پەیڤدارێ‌ رێڤەبەریا پۆلیسێن پارێزگەها دهۆكێ‌ راگەهاند، دو تاوانبار ب گونەها دزینا هندەك كەل و پەلان و پارێن نەخۆشان ل نەخۆشخانا ئازادی دهێنە دەستەسەركرن.

موقەدم هێمن سلێمان، پەیڤدارێ‌ رێڤەبەریا پۆلیسێن پارێزگەها دهۆكێ‌ دیار كر، ئەڤرۆ رۆژا سێشەمبی 7/5/2019 پۆلیسێن نەهێلانا گونەهباریێن سەرهلدان ل دهۆكێ‌ شیان دو تاوانباران دەستەسەربكەن ب گونەها هندێ‌ هژمارەكا تاوانێن دزیێ‌ ئەنجامداینە و پشتی ڤەكۆلین ل گەل وان هاتیە كرن دان ب هژمارەكا تاوانێن دزیێ‌ كرینە و هاتینە زیندانكرن هەتا كو دادگەها وان دهێتە كرن و حوكم ل سەر تاوانێن وان دهێنە دان.

ئاشكرا ژی كر كو وان تاوانباران د ئەسانسۆرێن نەخۆشخانا ئازادی دا پارە ژ هاوولاتیان و نەخۆشان دكرن و ل دەمێ‌ قەرەبالغێ‌ وان دزی ژ زەلام و ژنان دكرن و گەلەك موبایل ژی ژ خەلكی دزینە و ئێك ژ وان تاوانباران گۆتیە، هەڤالێ‌ مە ئێك ژ وان مژوول دكر و یێ‌ دی پارە و موبایل ژ بەریكێن وان دئینانە دەر.








باسنيوز