ژ ئەگەرێ ھاتنا بارانێن زۆر، ل سەیرانا گوندێ رەشاڤە سەر ب ناحیا دێرالوکێ ڤە، 120 ترۆمبێل ئاسێ دبن و زێدەتر ژ 500 ترۆمبێلان شیان خوە ژ بارانێ و تەقنێ رزگاربکەن.

عەبدوللا رەشاڤەیی، سەرپەرشتیارێ سەیرانا گوندێ رەشاڤە ل ناحیا دێرالۆکێ سەرب قەزا ئامێدیێ ڤە دیار کر، دوھی ل رۆژا ئەینی 3/5/2019 ل گەلیێ رەشاڤە سەیرانا سالانە یا گوندێ رەشاڤە ھاتە رێکخستن و نێزیکی 700 خێزانان بەشداری سەیرانێ ببوون، ژ نیشکەکێ ڤە ل دەمژمێر 6:00 ئێڤاری بارانەکا زۆر ھات و بوو ئەگەر کو ئەرد ھەموو ببیتە تەقن و ھەری و ترۆمبێل تێدا ئاسێ ببن.

ئاشکرا ژی کر کو زێدەتر ژ 600 ترۆمبێلان ھاتبوونە سەیرانێ و ل گەل ھاتنا بارانێ ھژمارەکا زۆر یا ترۆمبێلان شیان خوە قورتالبکەن و 120 ترۆمبێل دوھی مانە د ھەر و تەقنێ را و ھەتا ئەڤرۆ ژی مانە و ژ سپێدێ وەرە ترۆمبێلێن باژێرڤانیێ یێ وان ترۆمبێلان ژ ھەریێ دئیننە دەرێ و ھێشتا ھژمارەک ژ وان ژی دناڤ ھەریێ را ماینە و نەھاتینە قورتالکرن.










باسنيوز